काठमाडौ ३ चैत्र ।
भारत भ्रमणमा रहनु भएका उपप्रधान तथा गृहमन्त्री विमलेन्द्र निधिले आज भारतीय विदेशमन्त्री शुष्मा स्वराजसँग भेटवार्ता गर्दै हुनुहुन्छ ।
नयाँदिल्लीमा हुने भेटका क्रममा कन्चनपूर घटनाका विषयमा छलफल हुने बताइएको छ । गृहमन्त्री निधिले आजै भारतीय समकक्षी राजनाथ सिंहसँग पनि भेट गर्नुहुनेछ ।
आतंकवाद सम्बन्धी एक सममेलनमा सहभागी हुन दिल्ली पुग्नु भएका उहाँले प्रधानमन्त्री नरेन्द्र मोदीसँगपनि भेट गर्ने भनिएपनि समय तय भइसकेको छैन ।
यसअघि हिजो उहाँले भारतीय प्रधानमन्त्रीका सुरक्षा सल्लाहकार अजित डोबलसँग भेट गर्नुभएको थियो । सो क्रममा उहाले सप्तरी घटनामा भारतलाई गल्ती स्वीकार गर्न आग्रह गर्नुभएको थियो ।
नेपालको अनुसन्धानका क्रममा गोली भारतीय सुरक्षाकर्मीबाट नै चलेको पाइएको भन्दै भारत सरकार रिग्रेट गर्न डोबल मार्फत आग्रह गर्नुभएको छ ।
जवाफमा डोबलले घटना दुःखद भएको भन्दै अनुसन्धानपछि मात्र घटनाको बारेमा केही भन्न सकिने बताउनु भयो । भेटका क्रममा दुई देशबीचको सम्बन्धका साथै सीमामा रहेका समस्याका बारेमा पनि छलफल भएको जनाइएको छ ।
