काठमान्डौ फागुन ३०।
आसन्न स्थानीय तह निर्वाचन र सरकारको पछिल्लो कामकारवाहीबारे समीक्षा गर्न प्रधानमन्त्री पुष्पकमल दाहालले आज महत्वपूर्ण मन्त्रालय सम्हालेका केही मन्त्रीसँग छलफल गरिरहनुभएको छ ।
राजधानीको वालुवाटारस्थित प्रधानमन्त्री निवासमा अहिले जारी छलफलमा अर्थ, परराष्ट्र, उद्योग, आपूर्ति, बाणिज्य, उर्जा र कानुन मन्त्री तथा सम्बन्धित मन्त्रालयका सचिवहरु सहभागी रहेका छन् ।
निर्वाचन आयोगले आगामी बिहीवार भित्र सम्पूर्ण ७ सय ४४ वटै स्थानीय तहमा आवश्यक कर्मचारीको व्यवस्था गर्न निर्देशन दिएपछि प्रधानमन्त्री दाहालले अहिले मन्त्रीहरुसँग छलफल गर्न लाग्नु भएको हो ।
दूरसञ्चार कम्पनी एनसेललाई कर छुट दिने गरी सरकारले गरेको निर्णय आलोचित भएपछि सो बारे समेत आजको बैठकमा छलफल हुने छ ।
यस्तै एसएसबीको गोली लागि कञ्चनपुरमा एक युवकको मृत्यु भएको बिषयबारे भारतको धारणा र अनुसन्धत्रानबारे प्रधानमन्त्रीले परराष्ट्र मन्त्री प्रकासशरण महतसँग जानकारी लिनु हुनेछ । यस्तै बैठकमा संविधान संशोधन विधेयक पारित गर्ने वातावरणबारे समेत कुराकानी हुनेछ ।
