काठमान्डौ फागुन ३० ।
आइसिसी वल्र्ड क्रिकेट लिग च्याम्पियनसीप अन्तरगत नेपालले आज केन्यासँग दोस्रो खेल खेल्दैछ । नेपाललाई आजको खेल जित्नै पर्ने दबाब रहेको छ ।
खेल राजधानीको किर्तिपूरस्थित त्रिवि क्रिकेट मैदानमा आज विहान साढे ९ बजे पछि सुरु हुनेछ । वर्षाले प्रभावित बनाएको पहिलो खेलमा नेपाल केन्यासँग ५ विकेटले पराजित भएको थियो ।
पहिलो खेल हारे पनि नेपालका लागि आज हुने दास्रो खेल नेपालका लागि महत्वपूर्ण मानिएको छ । आजको खेल जित्न सकेको खण्डमा नेपाल शप्र्ष चारमा रहने सम्भावना अझै जीवित रहने छ । हारले भने नेपालको सम्भावना टर्नेछ ।
लिगमा नौ नौ खेल सकेका केन्या र नेपाल क्रमश पाँचौ र छैटौं स्थानमा छ । नेपाललाई हारार्ए पछि केन्याले नौ खेलबाट १० अंक जोडेको छ । समान खेलबाट ६ अंक बनाएको नेपाल तालिकाको छैटांै स्थानमा छ ।
केन्यापछि नेपालले हङकङ र युएईसँग खेल्नेछ भने केन्याले नेपालसँगको खेल पछि नेदरल्याण्ड्स र स्कटल्याण्डसँग खेल्नेछ । केन्यासँगको खेलका लागि नेपालले दुई महिनादेखि तयारी गरिरहेको छ । केही दिनअघि मात्र नेपाल एक साताको भारत भ्रमण गरेर फर्किएको थियो ।
