काठमाडौ २२ फागुन ।
स्थानीय तह पुनरसंरचनामा देखिएको विवाद समाधानका लागि गठित कार्यदलले आज सरकारलाई प्रतिवेदन बुझाउदै छ ।
संघीय मामिला तथा स्थानीय विकासमन्त्री हितराज पाण्डे संयोजकत्वको कार्यदलले १९ वटा स्थानीय तह थप गरी तयार पारेको प्रतिवेदन साँभm ५ बजे बस्ने मन्त्री परिषद बैठकमा पेश हुने जनाएको छ ।
कार्यदलले प्रदेश नम्बर २ का आठ जिल्लामा १७ र मनाङ र बझाङमा १÷१ स्थानीय तहको संख्य वृद्धि गरी ७ सय ३८ पुर्याउने सहितको प्रतिवेदनलाई अन्तिम रुप दिएको छ ।
आजको मन्त्रीपरिषद बैठकले स्थानीय तहको संख्य पुनरावलोकनका गठित कार्यदलको प्रतिवेदनमाथि छलफल गर्दै आजै निर्णय गर्ने सम्भावना समेत रहेको मन्त्रीहरुले बताएका छन् ।
यसअघि सिमाना निर्धारण आयोगले गत पौष २२ मा मुलुकभर गाउँपालिका र नगरपालिकाको संख्य ७ सय १९ निर्धारण गरी सरकारलाई प्रतिवेदन बुझाएको थियो ।
कार्यदलको प्रतिवेदन अनुसार सप्तरीमा ४ थप गरी १६ वटा स्थानीय तह बनाइनेछ भने सिरहामा ३ वटा थपेर स्थानीय तहको संख्य १५ पुर्याइनेछ ।
यसैगरी धनुषामा ४ थप गरी १७, महोत्तरीमा १ थप गरी १५, सर्लाहीमा एक थप गरी १७, बारामा २ थप गरी १५ र पर्सामा २ वटा थप गरी १३ स्थानीय तह बनाउने भएको छ ।
