एजेन्सी,फागुन २२ ।
इंग्लिस प्रिमियर लिग अन्तर्गत गएराति भएको खेलमा लेस्टर सीटिले लगातार जित दर्ता गरेको छ । साबिक विजेता लेस्टरले हल सिटीलाई ३–१ ले हराएको हो ।
क्रिष्टियन फुच्स र रियाद महरेजले एक एक गोल गरे । हल सिटीका टम हड्डल्सटनले आत्मघाती गोल गरे । खेलमा अग्रता भने हल सिटीले लिएको थियो ।
१४ औं मिनेटमा साम क्लुकसले गोल गर्दै हल सिटीलाई अग्रता दिलाए । २७ औं मिनेटमा फुच्सले लेस्टरका लागि बराबरी गोल गरे । पहिलो हाफमा १–१ को बराबरी भएको खेलमा ५९ औं मिनेटमा महरेजले गोल गर्दै लेस्टरलाई अग्रता दिलाएका हुन् ।
९० औं मिनेटमा हड्डल्सटनले आत्मघाती गोल गरेपछि लेस्टर ३–१ ले विजयी भयो । जितपछि लेस्टर २७ खेलबाट २७ अंकसहित १५ औं स्थानमा छ । २१ अंकसहित हल सिटी पुछारबाट दोस्रो स्थानमा छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
