काठमान्डौ फागुन १८ ।
त्रिभुवन विश्वविद्यालय अन्तर्गतका करिब २ सय क्याम्पसमा आज स्वतन्त्र विद्यार्थी युनियन (स्ववियु) को निर्वाचन हुँदै छ ।
६० वटा आंगिक मध्ये विवाद नभएका २४ वटा आंगिक सहित झण्डै २ सय क्याम्पसमा चुनाव हुने केन्द्रिय निर्वाचन समितिका सदस्य नरेन्द्र सिवाकोटीले जानकारी दिनुभयो । केहिबेर पछि बाट उपत्यकाका ९ र बहिरका १५ गरी २४ क्याम्पसमा स्ववियू निर्वाचन सुरु हुने बताइएको छ ।
विद्यार्थी संगठनको आपसि किचलो र विवादका कारण आठ वर्षपछि हुन लागेको स्ववियु चुनाव धेरैजसो क्याम्पसमा हुन नसकेको हो । काठमाडौं सहित देशैभरिका ठूला क्याम्पसमा विभिन्न मागसहित विद्यार्थी संगठनले कतै तालाबन्दि त कतै आगजनी गरेका छन् ।
आज काठमाडौं उपत्यकाका सानोठिमी क्याम्पस र भक्तपुर वहुमुखी क्याम्पस, पूल्चोक इन्जिनियरिङ र थापाथलि इन्जिनिययिरङ, जनप्रशासन क्याम्पस, आइओएम र नर्सिङ क्याम्पस, आयुर्वेद क्याम्पस, कृषी क्याम्पसमा चुनाव हुने शिवाकोटीले जानकारी दिनुभयो । शंकरदेव क्याम्पसले भने आगमी २४ गते गर्नेगरि स्ववियु निर्वाचनको मिति तोकेको छ ।
मूख्य गरी ठूला मानिएका राजधानीको कीर्तिपुरस्थित केन्द्रीय क्याम्पस, रत्नराज्य, त्रिचन्द्र, नेपाल ल, विश्वभाषा, शंकरदेव, नेपाल कमर्श, पाटन संयुक्त, महेन्द्ररत्न ताहाचल, अमृत साइन्स, सरस्वती लगायत क्याम्पसमा तालाबन्दी गरिएको छ ।
त्रिविअन्तर्गत ६० आंगिक र सम्बन्धनका एक हजार ८४ क्याम्पस छन् । विद्यार्थी संगठनकै मागमा फागुन १४ मा गर्ने भनिएको स्ववियु चुनावको मिति चार दिनपछि सारेपनि विद्यार्थी संगठनहरु नै निर्वाचनका लागि बाधक बनेका हुन् ।
