रुपन्देही, फागुन १७।
बुटवलमा जारी १९ तिलोत्तमा गोल्डकप फुटवल प्रतियोगिता आज विभागीय टोली नेपाल आर्मी क्लबले नेपाल पुलिस फुटबल क्लबको सामना गर्दै छ ।
बुटवलस्थित एन्फा टेक्निकल सेन्टरको मैदानमा हुने यी दुइ टोली विचको खेल दिउँसो २ बजेपछि सुरु हुनेछ । यस अघि हिजो भएको खेलमा सीएमजी संकटा क्लब प्रतियोगिताको सेमिफाइनल प्रवेश गरेको छ ।
संकटाले सशस्त्र प्रहरीलाई २ –१ हराउदै प्रतियोगिताको अन्तिम चारमा स्थान बनाएको हो । संकटाको लागि विदेशी खेलाडी मार्टिन र कौनले एक एक गोल गरे ।
यस्तै सशस्त्रका लागि एक सान्त्वना गोल रवि थिङ गरेका हुन् । ३ बिभागीय सहित १० टिमले सहभागीता जनाएको प्रतियोगिता आगामी फागुन २१ गते सम्म सञ्चालन हुने छ ।
प्रतियोगिताको बिजेताले ५ लाख ५५ हजार ५ सय ५५ रुपैया प्राप्त गर्ने छ भने उपबिजेताले ३ लाख ५५ हजार ५ सय ५५ रुपैया पुरस्कार पाउने छन् । त्यस्तै, उत्कृष्ट खेलाडीले मोटरसाइकल पुरस्कार पाउनेछन ।
