काठमाडौ १६ फागुन ।
बंगलादेशमा जारी शेख कमाल अन्तर्राष्ट्रिय फुटबल प्रतियोगिताको सेमिफाइनल खेलमा आज नेपाली टोली मनाङ मस्र्याङ्दीले माल्दिभ्सको टिसी स्पोर्ट्स क्लबसँग प्रतिस्पर्धा गर्नेछ ।
बंगलादेशको चाटगाउँस्थित मोहम्मद अजिज रंगाशालामा नेपाली समय अनुसार आज साँझ ६ : १५ मा हुने सेमिफाइनल खेल निकै प्रतिस्पर्धात्मक हुने अपेक्षा गरिएको छ ।
मनाङ समुह बी को उपविजेता बन्दै प्रतियोगिताको सेमिफाइनलमा प्रवेश गरेको हो । उच्च मनोबलका साथ मैदान उत्रने मनाङ आजको खेलमा जीत हात पार्दै प्रतियोगिताको फाइनल पुग्ने दाउमा हुनेछ ।
समुह चरणमा मनाङले मोहमदन स्पोर्टिङ क्लबलाई पािछ पारेको थियो । मनाङ समुह चरणको पहिलो खेलमा मोहमदन स्पोर्टिङ क्लबलाई २–० गोल अन्तरले पराजित गरेको थियो ।
दोस्रो खेलमा अफगानिस्तानको शाहिन आस्मायीसँग ३–१ ले पराजित भएको मनाङले समुहगत चरणकाृ अन्तिम खेलमा आयोजक अजहानी लिमिटेडलाई २–२ को बराबरीमा रोकेको थियो ।
