काठमाडौ १४ फाल्गुण
राजधानीको प्रदर्शनीमार्ग्स्थित आर.आर. क्याम्पसको स्टोर रुममा आगजनी भएको छ ।
आगजनीका कारण क्याम्पसको पुरानो कागजपत्र र फर्निचरहरु पूर्णरुपमा नष्ट भएको प्रहरीले जनाएको छ ।
केही बेर अघि नेकपा (एमाले) निकट विद्यार्थी संगठन अनेरास्ववियु र नेपाली कांग्रेस निकट नेविसंघबीच झडप भएको थियो ।
त्यस्तै, क्याम्पसमा तालाबन्दी भएको अवस्थामा अनेस्ववियुले निर्वाचन अधिकृतलाई थर्काएर जवर्जस्ती उम्मेदवारी मनोनयन दर्ता अघि बढाएको र यसमा क्याम्पस प्रमुखको नियोजित षडयन्त्र नेविसंघको आरोप छ ।
‘क्याम्पस हाताभित्र विद्यार्थी परिचयपत्र भएकालाई मात्र प्रवेश गराउने सहमति भएको थियो ।
तर, क्याम्पस प्रशासनले त्यसलाई बेवास्ता गरेको’ आर.आर नेविसंघले आरोप लगाएको छ ।
क्याम्पसहरुमा स्ववियुको चुनाव हुन नदिने षडयन्त्र भएपछि त्यस्ता विद्यार्थीलाई लखेट्दा झडपको अवस्था सिर्जना भएको अनेरास्ववियुका सचिव आरसी लामिछानेले बताए ।
झडपमा परी नेविसंघका तीन विद्यार्थी नेता ऋषि पोखरेल, सुरेश सुवेदी र महेश गौतम घाइते भएका छन् । घाइतेको बागबजारस्थित मोडल अस्पतालमा उपचार भइरहेको छ । झडपमा विद्यार्थी दिनेश शर्माको मोटरसाईकल तोडफोड भएको छ ।
तर, आगजनी के कारणले र कसले लगाएको हो ? भन्ने बारे खुल्न नसकेको प्रहरीले जनाएको छ ।
