फागुण १४ काठमाण्डौं । नेपाल कम्युनिष्ट पार्टीका महासचिव नेत्रविक्रम चन्द विप्लवले आफुहरुले युद्ध नचाहेको तर नेपालका जनताको मुक्तिका लागि अधिकारका लागी हतियार उठाउन पनि तयार रहेको बताउनु भएको छ ।
आठौं महाधिवेशनले गरेको निर्णयहरु तथा पार्टीको नीति सार्वजनिक गर्न रोल्पा सदरमुकाम लिवाङमा आयोजना गरिएको घोषणा सभामा बोल्दै महासचिव विप्लवले राज्यको गलत नितिका कारणले नेपालमा क्रान्ति हुने र त्यो बेला बन्दुक समेत उठाउन पछि नपर्ने चेतावनी दिनु भयो ।
संसदीय व्यावस्था भित्र हुने कुनै पनि निर्वाचन असफल पार्ने भन्दै संसदीय व्यवस्था लाद्ने प्रयास गरे जनवादी व्यवस्था स्थापना हुने उहाले बताउनु भयो ।
उहाले कम्युनिष्ट पार्टिले अब रोल्पाको थवाङमा मात्रै हैन काठमाण्डौको मुटुमा क्रान्ति चर्काउने घोषणा समेत गर्नुभयो ।
पार्टी शान्ति स्थापनाका लागी अगाडि बढीरहेको भन्दै विप्लवले अन्याय अत्याचारमा परेका , उत्पिडित वर्ग जातीको मुक्ति पछि मात्रै मुलुकमा शान्ति स्थापना हुने बताउनु भयो ।
उहाँले बिदेशीको ईसारामा आफ्नो स्वार्थका लागी मुलुक नै बेच्च पछि नपर्नेहरु नेपालीहरुको दुस्मन भएको बताउनु भयो ।
मदन भण्डारीकोे हत्याको बिषयमा एमालेका नेताहरुलाई थाहा भएपनि पटक पटक सरकारमा जादा समेत सत्य तथ्य कुराहरु बाहिर ल्याउन नचाहेको बताउनु भयो ।
बैदेशीक रोजगारिका नाममा नेपाली युवाहरुलाई बिदेशमा गुलाम बनाएर श्रम लुटिरहेको भन्दै यसको पनि अन्त्य हुनुपर्ने उहाको जोड छ ।
बिदेशीको ईसारामा काँग्रेस र एमालेका केही नेताहरुले माओवादीका नेताहरुले जे मागे पनि दिएर कम्युनिष्ट पार्टीको आन्दोलन ध्वस्त पार्ने अभिब्यत्ति दिएको विप्लवको भनाई छ ।
प्रचण्ड, बाबुराम सहितका संसदबादी दलका सीमित नेताहरुले महलमा बसरे क्रान्ति हुदैन भन्दैमा क्रान्ति नसिद्धिने चेतावनी दिनु भयो ।
उहाँले माओवादीसँग भएको शान्ति सम्झौतालाई पुनरावलोकन गर्नुपर्ने पनि बताउनु भयो । नेपालको प्रहरीलाई सीमामा भारतीय बुटले हिर्काउँदा पनि सरकार मौन बस्नु दुखद् भएको भन्दै उहाँले नेपाली सेनालाई दलहरुले ढाल बनाउन नहुने चेतावनी दिनु भयो । नेपालमा चुनाव हुन्छ या हुदैन भनेर भारतलाई अभिव्यक्ति दिने अधिकार कसैले नदिएको उहाँले बताउनु भयो । राष्ट्रियताको रक्षाका लागि कर्मचारी, सेना, प्रहरी सबैले लड्नु पर्ने बताउनु भयो ।
उहाँले थवाङमा अब सहिद म्युजियम बनाउने पनि जानकारी दिनु भयो । उहाले मुलुकभर शहिद भवनहरु निर्माण गरिने पनि बताउनु भयो ।
मदन भण्डारीको हत्याको बिषयमा एमालेका नेताहरुलाई थाहा भएपनि पटक पटक सरकारमा जादा समेत सत्य तथ्य कुराहरु बाहिर ल्याउन नचाहेको विप्लवले बताउनु भयो ।
