फागुण १४ लिवाङ ।
नेपाल कम्युनिष्ट पार्टीले आज पार्टीको आठौं महाधिवेशनले गरेको निर्णयहरु तथा पार्टीको नीति सार्वजनिक गरिरहेको छ ।
पार्टीको नीति सार्वजनिक गर्न अहिले रोल्पा सदरमुकाम लिवाङमा आयोजना गरिएको घोषणा सभा जारी छ ।
गत फागुण १ गते काठमाण्डौंमा उद्घाटन पछि रोल्पाको थवाङमा चलेको बन्द शत्रले गरेका निर्णयहरु शहीद सप्ताहको अवसरमा पार्टी महासचिव नेत्र विक्रम चन्द विप्लवले सार्वजनिक गर्दै हुनुहुन्छ । त्यसअघि अहिले कार्यक्रममा पार्टीको स्थाई समिति सदस्य हरुले आ आफ्नो धारणा राखिरहेका छन् ।
घोषणा सभा सुरु हुनुपूर्व आजै लिवाङमा पार्टीले र्याली निकालेको थियो ।
महाधिवेशनले पार्टीको नाम परिवर्तन गर्नुका साथै समाजवादी क्रान्तिको बाटोमा अघि बढ्ने र वैज्ञानिक समाजवादमा हुने नीति तथा कार्यक्रमहरु पारीत गरेको छ ।
साथै सरकारले घोषणा गरेको स्थानीय निकायको निर्वाचन असफल पार्ने घोषणा समेत आजको कार्यक्रम मार्फत हुने पार्टी नेता खड्ग बहादुर विश्वकर्मा प्रकाण्डले जानकारी दिनु भयो ।
फागुण १० सम्म चलेको बन्द शत्रपछि पार्टीका शीर्ष नेताहरु रोल्पामै रहेका छन् ।
