काठमाडौ फागुन १३
बङ्गलादेशमा भइरहेको दोस्रो शेख कमल अन्तर्रा्ष्ट्रिय क्लब कप फुटबलमा नेपालको मनाङ मर्स्याङ्दी क्लब र बंगलादेशको चटगाउँ अवहानी क्लबबिच भएको खेल २-२ गोलको बराबरीमा सकिएको छ ।
खेलको तेस्रो मिनेटमै ओलावालेको गोलले मनाङले अग्रता लिएको थियो । मनाङको दोस्रो गोल २२ औँ मिनेटमा ओलावालेले नै गरे । खेलको ३२ औँ मिनेटमा अवहानीले एक गोल फर्काएर अन्तर कम गर्यो । ६२ औँ मिनेटमा पाएको पेनाल्टीलाई सदुपयोग गर्दै अवहानीले खेल बराबरी गरेको हो । मनाङका ओलावाले म्यान अफ द म्याच भए ।
समूह चरणको पहिलो खेलमा मोहमोदेन स्पोटिङ क्लबलाई मनाङले २–० गोल अन्तरले हराएको थियो । दोस्रो खेलमा अफगानिस्तानको शाहिन आस्मयीसँग ३–१ गोल अन्तरले पराजित भएको थियो ।
मनाङले सेमिफाइनलका लागि भने बंगलादेशको मोहमोदेन स्पोटिङ क्लब र अफगानिस्तानको शाहिन आस्मयीबिच हुने खेलको नतिजा पर्खनुपर्ने हुन्छ । खेल आज साँझ नै हुनेछ । खेलमा मोहमोदेन विजयी भए मनाङ सेमिफाइनल पुग्ने छ । दुई गोलको अग्रता बनाइसकेको मनाङले अग्रता जोगाउन नसक्दा खेल बराबरी भएको हो ।
