रुपन्देही, फागुन १३।
बुटवलमा जारी १९ तिलोत्तमा गोल्डकप फुटवल प्रतियोगिता आज विभागीय टोली नेपाल आर्मी क्लबले युनाइटेड सिक्किम फुटबल क्लबको सामना गर्दै छ ।
बुटवलस्थित एन्फा टेक्निकल सेन्टरको मैदानमा हुने यी दुइ टोली विचको खेल दिउँसो २ बजेपछि सुरु हुनेछ । यस अघि हिजो भएको उद्घाटन खेलमा विभागीय टोली ससस्त्र प्रहरीको एपिएफले विजयी सुरुवात गरेको छ ।
प्रतियोगितामा सशस्त्र प्रहरीले पाहुना टोली भारतको शेर ए क्लव कालिमपोङलाई १–० गोलले पराजित गरी अन्तिम ८ मा स्थान बनाएको हो । ३ बिभागीय सहित १० टिमले सहभागीता जनाएको प्रतियोगिता आगामी फागुन २१ गते सम्म सञ्चालन हुने छ ।
प्रतियोगिताको बिजेताले ५ लाख ५५ हजार ५ सय ५५ रुपैया प्राप्त गर्ने छ भने उपबिजेताले ३ लाख ५५ हजार ५ सय ५५ रुपैया पुरस्कार पाउने छन् । त्यस्तै, उत्कृष्ट खेलाडीले मोटरसाइकल पुरस्कार पाउनेछन ।
