काठमाडौ १२ फागुन ।
लगातार सुचना टाँस गरी स्थगित हुदै आएको व्यवस्थापिका संसदको बैठक आजपनि बोलाइएको छ । अपरान्न ३ बजेपछि बस्ने संसद बैठकमा संविधान संशोधन विधेयक अघि बढाउने सरकारको तयारी छ ।
यद्यपी प्रतिपक्षी दलले संशोधन विधेयकको सम्बन्धमा संसदको परिणाम स्वीकार गर्न मधेशी मोर्चा सहमत नभएसम्म प्रस्तावमाथिको छलफल अघि बढाउने नदिने अडान कायमै राखेको छ ।
संसदमा दर्ता भएको संविधान संशोधन विधेयक अघि बढाउने या नबढाउने भन्ने विषयमा अन्योलता सत्तारुढ र प्रतिपक्षी दलहरुबीच सहमति जुट्न नसक्दा संसदको बैठक निरन्तर प्रभावित हुदै आएको छ ।
यसअघि संसदको कार्यसुचीमा सहमति जुट्न नसक्दा लगातार दुई दिनको बैठक सुचना टाँस गरी स्थगित गरिएको थियो । संसद बैठक बस्न नसक्दा कार्यसुचीमा राखेको महत्वपूर्ण विषयमाथिको छलफल पनि प्रभावित हुदै आएको छ ।
बैठकमा निलम्बित अख्तियार प्रमुख लोकमानसिंह कार्कीका सम्बन्धमा महाअभियोग सिफारिस समितिले तयार पारेको प्रतिवेदन तथा स्थानीय तह र निर्वाचन कसुर सजाय विधेयक राष्ट्रपतिबाट प्रमाणीकरण भएको सुचना पेश गर्ने कार्यसुची पनि रहेको संसद सचिवालयले जनाएको छ ।
