काठमाडौ ९ फागुन ।
राष्ट्रिय प्रजातन्त्र पार्टीको अध्यक्षमा कमल थापा विजयी हुनु भएको छ । नेतृत्व चयनका लागि आज भएको निर्वाचनमा थापा २८ सय ४ मत प्राप्त गरी विजयी हुन भएको हो ।
उहाँका प्रतिद्धन्द्धी प्रदिपविक्रम राणाले मात्र २ सय ५१ मत मात्र प्राप्त गर्नु भएको छ । मतदानमा कुल ३१ सय ३६ मत खसेकोमा ८१ मत बदर भएको थियो ।
सहमतिमा नेतृत्व चयन गर्न असफल भएपछि मतदानबाट टुङ्गो लगाइएको हो । थापा लामो समयदेखि पार्टी नेतृत्वमा हुनुहन्छ ।
पार्टीको विधान अनुसार भोली एक सय ६३ सदस्यीय केन्द्रीयका लागि मतदान हुनेछ । केन्द्रीय सदस्यका लागि ३ सय ६३ जनाले उम्मेदवारी दर्ता गराएका छन् ।
बाँकी ४० प्रतिशत सदस्य क्षेत्र, भूगोल, विशेषज्ञताका आधारमा पार्टी अध्यक्षले मनोनयन गर्ने व्यवस्था छ । निर्वाचनलाई पारदर्शी तथा छिटोछरितो बनाउनका लागि ६० वटा विद्युतीय मतदान यन्त्र प्रयोग गरिएको छ ।
