काठमाडौ ९ फागुन ।
सरकारले विभिनन १४ मुलुकका लागि राजदूत सिफारिस गर्ने निर्णय गरेको छ । सिंहदरबारमा आज बसेको मन्त्रिपरिषद् बैठकले विभिन्न १४ मुलुकमा रिक्त रहेका राजदुत नियुक्तिका लागि सिफारिस गरेको हो ।
सरकारले युनाइटेड अरब इमिरेट्सका लागि आशा लामा, जापानका लागि प्रतिभा राणा, डेनमार्कका लागि युवनाथ लम्साल, बहराइनका लागि पदम सुन्दास र अस्टे«लियाका लागि लक्की शेर्पालाई नियुक्ति गर्न सिफारिस गर्ने निर्णय गरेको सूचना तथा सञ्चारमन्त्री सुरेन्द्रकुमार कार्कीले जानकारी दिनुभयो ।
त्यस्तै कतारका लागि रमेशप्रसाद कोइराला, साउदी अरेबियाका लागि महेन्द्र सिंह, म्यानमाका लागि भीम उदास, श्रीलंका लागि विश्वम्भर प्याकुरेल, ओमनका लागि शर्मिला पराजुली, दक्षिण कोरियाका लागि अर्जुन बहादुर सिंह, बंगलादेशका लागि चोपलाल भुसाल र इजरायलका लागि निरञ्जन थापालाई नियुक्तिका लागि सिफारिस गर्ने निर्णय गरिएको छ ।
साथै सरकारले स्पेनमा राजदूतावास खोली त्यहाँ भरत रायमाझीलाई नियुक्तिका लागि सिफारिस गर्ने निर्णय समेत गरेको सरकारका प्रवक्ता समेत रहनु भएका सन्चारमन्त्री कार्कीले बताउनुभयो ।
