काठमाडौ ७ फागुन ।
काँकडभिट्टा फुटबल ट्रेनिङ सेन्टरलाई पराजित गर्दै रुपन्देही–११ बुढासुब्बा गोल्डकप फुटबल प्रतियोगिताको सेमिफाइनलमा प्रवेश गरेको छ ।
आज दिउँसो धरानस्थित एन्फा टेक्निकल सेन्टरमा भएको खेलमा काँकडभिट्टालाई टाइब्रेकरमा ३–१ ले पराजित गर्दै रुपन्देही प्रतियोगिताको सेमिफाइनल प्रवेश गरेको हो ।
खेलको ५९औं मिनेटमा कप्तान गिल्सन लिम्बूको गोलबाट काँकडभिट्टाले अग्रता लिएको थियो । ७६औं मिनेटमा रुपन्देहीका लागि कालु थापाले गोल गरेपछि खेल बराबरीमा पुगेको हो ।
निर्धारित समयसम्म १–१ को बराबरी भएपछि टाइब्रेकरमा रुपन्देही विजयी भएको हो । दुबै टिमले सीधै क्वार्टरफाइनल खेल्ने अवसर पाएका हुन् ।
दोसो क्वार्टरफाइनलमा आइतबार धरान फुटबल क्लब ‘रातो’ र पोखरा फुटबल क्लबबीच प्रतिस्पर्धा हुनेछ । विजेताले पाँच लाख रुपैयाँ जित्ने प्रतियोगितामा १० टिम सहभागी छन् ।
