काठमान्डौ फागुन ७ ।
संविधान संशोधन र स्थानीय निर्वाचनका बारेमा सहमतिको प्रयास स्वरुप प्रधानमन्त्री पुष्पकमल दाहालले आज मधेस केन्द्रित दलका नेताहरुसँग छलफल गदृै हुनुहुन्छ ।
छलफलका लागि मधेस केन्द्रित दलहरुलाई प्रधानमन्त्रीले सरकारी निवास बालुवाटारमा विहान १० बजेका लागि बोलाउनु भएको छ । ।
मधेसी दलहरुको सहमतिकै आधारमा स्थानीयत तहको निर्वाचन मिति घोषणा गर्नेमा सहमति जुटाउने प्रयास स्वरुप छलफल गर्न लाग्नु भएको प्रधानमन्त्रीको नीजि सचिवालयले जनाएको छ ।
प्रमुख तीन दलका बीचमा स्थानीय तहको निर्वाचन घोषणा गर्ने विषयमा प्रारम्भिक सहमति भइसकेको र उक्त सहमतिमा मधेस केन्द्रित दलका नेतालाई समेत सहमत गराउने सरकारको तयारी छ ।
सरकारले निर्वाचन आयोगलाई यही फागुन ८ गते स्थानीय तहको निर्वाचन मिति घोषणा गर्ने तयारी भएको जानकारी गराएको छ । सरकारले प्रजातन्त्र दिवसको अवसर पारेर आजै स्थानीय तह निर्वाचनको मिति घोषणा गर्ने सम्भावना रहेको स्रोतले बताएको छ ।
मधेसी दलहरुले संविधान संशोधनबिना निर्वाचनमा जान नसकिने अडान लिँदै आएका छन् भने सरकारले संविधान संशोधन र निर्वाचनलाई सँगैसँगै अघि बढाउने योजना बनाएको छ ।
