काठमाडौ ७ फागुन ।
धरानमा जारी १९ औं बुढासुब्बा गोल्डकपमा आज काँकटभिट्टा फुटबल टे«ेनिङ सेन्टर र रुपन्देही ११ बीच प्रतिस्पर्धा हुदैछ ।
खेल दिउँसो २ बजेपछि धरानस्थित एन्फा टेक्निकल सेन्टरमा सुरु हुनेछ । दुवै टोली खेलमा जीत हात पार्दै प्रतियोगिताको अन्तिम आठमा स्थान बनाउने दाउका साथ मैदान उत्रदैछ ।
यसअघि हिजो भएको खेलमा आयोजक धरान पहेँलो टीमलाई सडन डेथमा पराजित गर्दै विभागीय टोली नेपाल पुलिस क्लब प्रतियोगिताको क्वाटरफाइनल प्रवेश गरेको छ ।
निर्धारित समय र थपिएको अतिरिक्त समयमा पनि दुवै टोली १–१ को बराबरीमा रोकिएपछि खेलको निर्णय टाइब्रेकरबाट लिइएको थियो ।
टाइब्रेकरमा पनि खेल बराबरी नै भएपछि खेल सडन डेथमा पुगेको हो । सडन डेथमा धरानका विवेक राई गोल गर्न चुकेपछि पुलिसले जीत आफ्नो पक्षमा सुनिश्चित गरेको हो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
