काठमाडौ ६ फागुन ।
नेकपा माओवादीको रोल्पाको थवाङमा जारी ८औं महाधिवेशन अन्तरगत बन्दसत्रमा आज महासचिव नेत्रविक्रम चन्द विप्लवको राजनितिक प्रतिवेदनमाथि समुहगत छलफल सकिएको छ ।
पार्टीको आगामी कार्यदिशा तथा वैज्ञानिक समाजवाद र एकिकृत जनक्रान्तीका सन्दर्भमा महासचिव विप्लवले प्रस्तुत गर्नुभएको राजनितिक दस्तवेजमाथि आज विभिन्न २० वटा समुहमा विभाजन गरी छलफल भएको पार्टी प्रवक्त खड्गबहादुर विश्वकर्म प्रकाण्डले जानकारी दिनुभयो ।
समुहगत छलफल सकेपछि आजै टोली नेताले दस्तावेजमाथि सुझाव राख्ने क्रम पनि सुरु भएकोछ । यसैक्रममा आज चार ओटा समुहका टोली नेताहरुले दस्तावेज माथि सुझाव राखेकाछन् ।
मेची व्युरो, ताम्सालीङ व्युरो, कार्णली व्युरो र कोशी व्युरोले दस्तावदेज माथि सुझाव राखेका हुन् । भोली विहान ८ बजेदेखि देखि बाकी समुहले पनि सुझाव राख्ने हाम्रा संवाददातले जनाएका छन् ।
प्रतिवेदनमा पार्टीको नाम परिवर्तन गरी नेपाल कम्युनिष्ट पार्टी राख्ने, राष्ट्रिय तथा अन्तर्राष्ट्रिय परिस्थितिको व्यख्या गर्दै नयाँ प्रक्रियाबाट क्रान्ती सफल पार्ने लगायतका विषय समावेश छन् ।
यसअघि बन्दसत्रको पहिलो दिन हिजो महासचिव विप्लवले पार्टीको आगामी कार्यदिशा समेटिएको दस्तावेज प्रस्तुत गर्नुभएको थियो भने प्रवक्ता प्रकाण्डले पार्टीको विधान छलफलमा लागि पेश गर्नुभएको थियो ।
आइतबारसम्म चल्ने महाधिवेशनमा स्वदेश तथा विदेशबाट करिब एक हजार जना प्रतिनिधि सहभागी छन् । यसअघि महाधिवेशनको उद्घाटनसत्र फागनु १ गते २२ औं जनयुद्ध दिवसको अवसर पारेर राजधानीको खुलामन्चमा भएको थियो ।
