काठमाडौ ६ फागुन ।
धरान ‘पहेंलो’लाई पराजित गर्दै नेपाल पुलिस क्लब १९औं अन्तर्राष्ट्रिय आमन्त्रण बुढासुब्बा गोल्डकप फुटबल प्रतियोगिताको क्वार्टरफाइनल प्रवेश गरेको छ ।
एन्फा टेक्निकल सेन्टरमा दिउँसो भएको खेलमा पुलिसले आयोजकको दोस्रो टिम धरान ‘पहेंलो’लाई ‘सडन डेथ’मा पराजित गर्दै अन्तिम आठमा स्थान बनाएको हो ।
खेलको १७ औं मिनेटमा कप्तान योगेश राईले गोल गर्दै धरान पहेंलोलाई अग्रता दिलाए । अन्तिम मिनेटसम्म धरानले अग्रता लिएपनि इन्जुरी समयको अन्तिम पलमा पुलिसका विक्रम धिमालले गोल गर्दै खेल बराबरीमा ल्याए ।
त्यसपछि भएको पेनाल्टी सुटआउटमा पनि बराबरी भएपछि खेलको निर्णय सडन डेथबाट लिइएकोमा पुलिसले बाजी मारेको हो । सडन डेथमा धरानका विवेक राई गोल गर्न चुक्दा हेमु लिम्बूले गोल गर्दै पुलिसलाई जित दिलाएका हुन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
