काठमान्डौ फागुन ५।
नेकपा एमालेको पोलिटव्युरो बैठक आज पनि बस्दै छ । आजको वैठक केहीबेर पछि पार्टी कार्यालयमा धुम्बाराहीमा बोलाइएको छ । आजको पोलिटब्युरो बैठकमा राजनीतिक प्रतिवेदनमाथी छलफल हुने एमालेले जनाएको छ ।
हिजोदेखी राजधानीमा शुरु बैठकमा अध्यक्ष केपी ओलीले प्रस्तुत गर्नुभएको राजनीतिक प्रतिवेदनमाथी सदस्यहरुले आफ्नो धारणा राख्ने छन् ।
यसअघि हिजोको बैठकमा अध्यक्ष ओलीले पछिल्लो राजनीतिक घटनाक्रम वारे जानकारी गराउदै चुनावी वातावरण बनाउनका लागी संविधान संशोधनको बिषयमा पार्टीले लचकता अपनाएर मोर्चालाई सहमत गराउन भूमिका खेल्ने बताउनुभएको थियो ।
पार्टी प्रमुख सचेतक भानुभक्त ढकालले जेठभित्र चु्नाव गराउने बिषयमा सत्ता साझेदार कंग्रेस माओवादी केन्द्रसंग भएको समझदारी अनुसार मधेसी मोर्चालाई पनि सहमतिमा ल्याउनेवारे बैठकले निर्णय गर्ने जानकारी दिनुभयो ।
संविधान संशोधनको बिरोधमा रहेको एमालेले मोर्चालाई मनाउने प्रयासमा पछिल्लो समय मधेस केन्द्रित दलहरुसंग संवाद समेत शुरु गरेको छ । प्रमुख सचेतक ढकालले संविधान संशोधनको प्रक्रियामा पार्टीले सर्तसहित लचकता अपनाउनेवारे बैठकले निर्णय गर्ने बताउनुभयो ।
