काठमाडौ ४ फागुन ।
प्रधानमन्त्री पुष्पकमल दाहालले प्रमुख तीन दलबीच आगामी वैशाखभित्रै स्थानीय निर्वाचन गर्ने सहमति बनिसकेको दाबी गर्नुभएको छ ।
पाँचथरको नागिनमा आज हेवाखोला ए जलविद्युत् आयोजनाको उद्घाटन गर्दै उहाले कांग्रेस सभापति शेरबहादुर देउवा र एमाले अध्यक्ष केपी शर्मा ओलीसँगको छलफलमा वैशाखभित्रै चुनाव गर्ने सहमति बनेको बताउनु भयो ।
सरकारले साना लघुजलविद्युत् परियोजनामात्रै नभएर अब जलाशययुक्त ठाउँ पहिचान गरी त्यस्ता नदीहरुबाट बिजुली उत्पादन गरी मुलुकलाई समृद्ध बनाउने लक्ष्यका साथ अघि बढेको प्रधानमन्त्री दाहालको भनाई थियो ।
कार्यक्रममा बोल्दै उर्जामन्त्री जनार्दन शर्माले काम गर्ने शैली परिवर्तन गर्दै अघि बढ्नसके विकासका योजनाहरु कार्यान्वयन हुने बताउनु भयो ।
गत कात्तिकमा निर्माण सम्पन्न भएको यस आयोजनाबाट १४ दशमलव ९ मेगावाट बिजुली उत्पादन भइ केन्द्रीय प्रसारण लाइनमा जोडिएको छ ।
