ताप्लेजुङ फागुन ३ ।
ताप्लेजुङको फुलिङमा जारी दोस्रो पाथीभरा राष्ट्रिय भलिबल प्रतियोगिता अन्तर्गत आज पनि दुइ खेल हुदै छन् । आज हुने पहिलो खेलमा एपिएफ र नेपाल पुलिस भिड्ने छन् ।
आजै हुने प्रतियोगिताको दोस्रो खेलमा पूर्वाञ्चल र मध्यमाञ्चल विकास क्षेत्रबीच प्रतिस्पर्धा हुनेछ । यस अघि हिजो भएको खेलमा त्रिभुवन आर्मी क्लव र नेपाल पुलिस क्लवले विजयी सुरुवात गरेका छन् ।
आर्मीले मध्यमाञ्चलाई र पुलिसले पूर्वाञ्चल विकास क्षेत्रलाई सोझो सेटमा हराएका हुन् । आर्मीले २५–१०, २५–१७ र २५–१० ले हराएका छन् भने पुलिसले २५–१८, २५–१३ र २५–१४ ले हराएको हो । खेलमा आर्मी र पुलिसले समान ३–३ अङ्क जोडेका छन् ।
प्रतियोगितामा तीन विभागीय टिमसहित पूर्वाञ्चल, मध्यमाञ्चल र पश्चिमाञ्चल विकास क्षेत्र सहभागी रहेका छन् । प्रतियोगिताको विजेताले तीन लाख ३० हजार र उपबिजेताले एक लाख ६५ हजार पुरस्कार प्राप्त गर्ने छन् । प्रतियोगिता आगामी फागुन ७ गते सम्म सञ्चालन हुने छ ।
