काठमाडौ ३ फागुन ।
हिमालयन शेर्पा क्लबलाई पराजित गर्दै रुपन्देही ११ उदयपुरको गाईघाटमा जारी चौथो उदयपुर गोल्डकपको फाइनल प्रवेश गरेको छ ।
थारुहट रंगाशालामा आज दिउँसो भएको खेलमा हिमालयन शेर्पालाई ३–२ गोल अन्तरले पराजित गर्दै रुपन्देहीले उपाधि यात्रा तय गरेको हो ।
रुपन्देहीले अब फाइनलमा मोरङ ११ सँग उपाधिका लागि प्रतिस्पर्धा गर्नेछ । मोरङले सोमबार भएको पहिलो सेमिफाइनलमा संकटा क्लबलाई २–१ गोल अन्तरले हराएर फाइनल पुगिसकेको छ ।
आजको खेलमा रुपन्देहीका लागि अमर डंगोलले खेलको २० औं मिनेटमा पहिलो गोल गर्दै सुरुवाती अग्रता दिलाए । त्यसको ३७ औं मिनेटमा रुपन्देहीकै तर्फबाट दिपक राईले एक गोल थपे ।
खेलको ८३ औं मिनेटमा शेर्पाका विश्वास श्रेष्ठले एक गोल फर्काएका थिए । इन्जुरी समयमा रुपन्देहीका दिपक राईले गोल गरेर खेल ३–१ को स्थितिमा थियो ।
इन्जुरी समयमै शेर्पाका एलेक्सले गोल गरे र खेल ३–२ को स्थितिमा सकियो । टिमका लागि निर्णायक गोल गर्न सफल रुपन्देहीका दिपक राई म्यान अफ दि म्याच भए ।
