काठमाडौ ३ फागुन ।
निर्वाचन आयोगले सरकारले यही फागुन ८ गतेसम्म निर्वाचनको मिति घोषणा गरेमा जेठमा निर्वाचन गराउन सम्भव हुने जानएको छ ।
निर्वाचन मिति फागुन ८ मा घोषणा भए आयोगले जुनसुकै हालतमा पनि जेठ १ र २१ गते दुई चरणमा निर्वाचन गराउन सक्ने र यसका लागि तयारी गरिसकेको समेत बताएको छ ।
जिल्ला विकास समिति महासंघ नेपाल नगरपालिका सङ्घ तथा गाउँ विकास समिति राष्ट्रिय महासङ्घले आज राजधानीमा आयोजना गरेको ‘स्थानीय तह पुनःसंरचना बाँकी कामहरु र स्थानीय निर्वाचन’ विषयक अन्तक्र्रिया आयोग सदस्य इला शर्माले यस्तो बताउनु भएको हो ।
देशलाई निकास दिन आयोग हदैसम्म लचक भएर निर्वाचन गराउन तयार रहेको शर्माको भनाई छ । आयोगलाई निर्वाचन गराउने विषयमा सरकारको नियतमा कुनै शंका नरहेको भन्दै उहाँले त्यसका लागि अब प्रशासनिक केन्द्र, नगरपालिका र गाउँपालिकामा कार्यकारी अधिकृत र कर्मचारीको उपस्थिति आवश्यक रहेको बताउनु भयो ।
स्थानीय तह पुनःसंरचना आयोगका सदस्य माधव अधिकारीले आयोगले अहिले विशेष संरक्षित वा स्वायत्त क्षेत्रको संख्या र सिमाना निर्धारण, स्थानीय तहमा आवश्यक प्रशासनिक संरचना र जनशक्ति उपलब्ध गराउन प्रस्ताव गर्ने तयारी गरिरहेको जानकारी दिनुभयो ।
