काठमान्डौ माघ २८ ।
तत्कालिन अख्तियार दुरुपयोग अन्सन्धान आयोगका प्रमुख आयुक्त लोकमान सिंह कार्कीविरुद्धको महाअभियोग प्रस्ताव बारे महाअभियोग सिफारिस समितिले तयार पारेको प्रतिवेदन आज संसदलाई बुझाइदै छ ।
सर्वाेच्च अदालतद्धारा बर्खास्तमा परेका अख्तियार प्रमुख कार्कीमाथिको महाअभियोग प्रस्ताव माथि समितिले तयार पारेको प्रतिवेदन आज सभामुख ओनसरी घर्ती मगरलाई बुझाउन लागेको हो ।
महाअभियोग सिफारिस समितिले कार्कीमाथि महाअभियोग लगाउनु नपर्ने प्रतिवेदन तयार पारेको छ । प्रतिवेदनले कार्कीमाथि महाअभियोग लगाउने प्रसस्तै कारण भेटे पनि कार्की पद मुक्त भइ सकेकाले महाअभियोग लगाउनुको औचित्य नभएको भन्दै समितिले महाअभियोग लगाउनु नपर्ने जनाएको हो ।
महाअभियोग समितिले भोली सम्ममा आफ्नो प्रतिवेलदन बुझाइ सक्नु पर्ने छ । गत पुस ३ गते संसदमा दर्ता भएको महाअभियोग प्रस्तावमा ७ बुँदामा अभियोग लगाइएको थियो ।
