धरान,२६ माघ ।
जिल्ला खेलकुद बिकास समितिलार्ई पन्छाउदै पत्रकार महासंघ सुनसरीले दोस्रो बुढासुब्बा प्रमोसन गोल्डकपको उपाधि जितेको छ ।
आज बुधबार भएको धरान १७ स्थित एन्फा टेक्नीकल सेन्टरमा भएको फाइनल खेलमा पत्रकार महासंघले जिल्ला खेलकुद बिकास समितिलाई १(० गोल अन्तरले हराएको हो ।
पत्रकारको जितमा धिरेन लिम्बुले बिकास राईको पासमा २५ औं मिनेटमा गरेको गोल नै निर्णायक बनेको थियो ।
उपाधि जितेसँगै पत्रकार महासंघले २५ हजार रुपैयाँ नगद र ट्रफी तथा मेडल हात पारेको छ भने सुनसरी खेलकुद बिकास समितिले १५ हजार रुपैयाँमा चित्त बुझाएको छ ।
पत्रकार महासंघका टीम क्यापटेन बिकास राई हानेको फ्रि किक लाई धिरेन लिम्बुले सदुपयोग गर्दै हेड मार्फत आकर्षक गोल गरेका थिए ।
गोल गर्ने थुप्रै अवसरहरु समितिले पाएको भए पनि सदुपयोग गर्न नसक्दा उसले हार व्यहोर्नु पर्यो ।
खेलको खेलको म्यान अफ द म्याच पत्रकारका धिरेन लिम्बु घोषित भएसंगै नगद ५ सय रुपैयाँ हात पाए ।
त्यस्तै, पत्रकारका भोजराज श्रेष्ठ सर्वाैत्कृष्ट खेलाडी घोषीत भएसंगै नगद १ हजार साथै टर्फी हात पारे ।
त्यस्तै पत्रकारकै तर्फबाट सुमन श्रेष्ठ हाइ स्कोरर बने संगै मेडल हात प्राप्त गरे ।
त्यस्तै, पत्रकारकै रत्न खड्का उत्कृष्ट डिफेन्स घोषित भए । उनले पनि मेडल पाए पत्रकार कै तर्फबाट अनिल भुजेल उत्कृष्ट गोलरक्षक घोषित भए । उनले पनि टर्फ हात पारे । त्यस्तै गरि उत्कृष्ट प्रशिक्षक पनि पत्रकारकै तर्फबाट रत्न अचार्य घोषित भएक थिए भने उनले पनि मेडल हात पारेको छ ।
