धादिङ, २६ माघ । उपप्रधान तथा अर्थमन्त्री कृष्णबहादुर महराले सरकारले तत्काल स्थानिय निकाय निर्वाचनको मिति तत्काल घोषणा गर्ने बताउनु भयो ।
धादिङबेँसीमा आयोजीत कार्यक्रममा बोल्दै उहाँले २०७४ माघ ७ गतेभित्रै तीनवटै निर्वाचन सम्पन्न हुने दाबी गर्नुभयो ।
उपप्रधानमन्त्री महराले निर्वाचन हुनेमा शङ्का नगर्न राजनीतिक दलहरुसँग आग्रह गर्दै सम्बन्धीत पक्षलाई तयारीमा लाग्न पनि आग्रह गर्नुभयो ।
महराले लोकतन्त्र प्राप्तिको आन्दोलनमा सञ्चारजगत्ले निर्वाह गरेको भूमिकाको स्मरण गर्दै संविधान कार्यान्वयनका लागि त्यस्तै भूमिका निर्वाह हुने अपेक्षा राखिएको समेत बताउनुभयो ।
कार्यक्रममा नेपाल पत्रकार महासङ्घका पूर्व अध्यक्षहरु हरिहर विरही, सुरेश आचार्य, तारानाथ दाहाल र धर्मेन्द्र झालाई अभिव्यक्ति तथा प्रेस स्वतन्त्रता र महासङ्घको संस्थागत विकासका लागि पु¥याएको योगदानबापत सम्मानपत्रद्वारा सम्मानित गरिएको थियो ।
त्यस्तै क्षेत्रीय समितिबाटै उत्कृष्ट शाखाका रुपमा नेपाल पत्रकार महासङ्घ सर्लाही शाखालाई र २० वर्षभन्दा माथि लामो समयसम्म पत्रकारिता गर्दै आएका सत्यप्रकाश श्रेष्ठ र कृष्णराज परियारलाई पनि प्रशंसापत्र प्रदान गरिएको थियो ।
