काठमान्डौ माघ २६।
राजनीतिक वातावरण निर्माण गर्दै स्थानी तह निर्वाचनको मिति घोषणा गर्नका लागि सहमति छोडेर प्रधानमन्त्री पुष्पकमल दाहाल आज चितवनमा आयोजना गरिएको विभिन्न कार्यक्रममा सहभागी हुदै हुनुहुन्छ ।
प्रधानमन्त्री दाहाल आज विहान १० बजे त्यस तर्फ प्रस्थान गर्ने कार्यक्रम रहेको उहाँको नीजि सचिवालयले जनाएको छ । उहाँ आज दिन भर भरतपुर र आसपासका क्षेत्रमा आयोजना हुने विभिन्न कार्यत्रयममा सहभागी हुनु हुने बताइएको छ ।
विहान साढे १० बजे मंगलपुरको सहिद पार्कको उद्घाटन सँगै प्रधानमन्त्री दाहालले चितवनमा आयोजना हुने विभिन्न कार्यक्रमको सुरुवात गर्नु हुने छ ।
मध्यान्ह १२ बजे प्रधानमन्त्रीले भरतपुरको औद्योगिक प्रदर्शनी स्थलको शिलन्यास गर्नु हुने छ भने उहाँले अपरान्ह दुइ निर्माण व्यवसायी संघको उद्घाटन गर्ने कार्यक्रम रहेको छ ।
प्रधानमन्त्री दाहाल चितवनको विभिन्न कार्यक्रममा सहभागी भएर आज साँझ नै काठमान्डौ फर्कने कार्यक्रम रहेको प्रधानमन्त्रीको नीजि सचिवालयले जनाएको छ ।
