माघ २४ काठमाण्डौं । नेत्र विक्रम चन्द विप्लव नेतृत्वको नेकपा माओवादीले पार्टीको राष्ट्रिय महाधिवेशनको उद्घाटनका क्रममा राजधानीमा ५० हजार कार्यकर्ता जनता उतार्ने तयारी गरेको जनाएको छ ।
त्यसका लागि पार्टी केन्द्रीय समितिको हालै सम्पन्न बैठकले उपत्यका ब्युरोलाई बिशेष जिम्मेवारी दिएको छ भने बाहिरी जिल्लाहरुबाट पनि कार्यकर्ता र महाधिवेशन प्रतिनिधहरु आउने तयारी भएको केन्द्रीय सदस्य मोहन कार्की जीवन्तले जानकारी दिनु भयो ।
उद्घाटन काठमाण्डौंमा सकिए पछि प्रतिनिधि तथा पर्यवेक्षकहरु भने रोल्पाको थवागंमा बन्द सत्रका लागि प्रस्थान गर्ने छन् । बन्द सत्र फागुण ५ गतेबाट शुरु हुने छ ।
अहिलेको संसदीय व्यवस्थाले जनताको अन्तरविरोधको समाधान गर्नु नसक्ने भएकाले दलाल सत्ताको विरुद्ध सघर्ष गर्ने र एकीकृत जनक्रान्तिको माध्यमबाट देशभर जनतालाई आन्दोलनमा उतार्ने र राष्ट्रियता जनतन्त्र र जनजीवीकाको मुद्धा सवोधन हुन सक्ने उहाले बताउनु भयो ।
फागुण १ मा उपत्यकाको विभिन्न स्थानबाट र्याली सहित खुल्ला मञ्चमा आएर उद्घाटन गरिने उहाले बताउनु भयो ।
देशैभर राम्रो उत्साहका साथ साथीहरु लाग्नु भएको छ , पार्टीले अहिलेको अवस्थामा राम्रो नीति लिएर अघि बढीरहेको र जनताहरु विस्तारै आकर्षित र संगठित हुदै गएको कार्कीले बताउनु भयो ।
