काठमाडौ २४ माघ ।
नेपाली काँग्रेसका महामन्त्री डा शशांक कोइरालाले सरकारले निर्णय गरेअनुसार कुनैपनि हालतमा जेठ १० गतेभित्र स्थानीय निर्वाचन गर्नुपर्ने बताउनु भएको छ । उहाँले आमजनतालाई निर्वाचनमा होमिन आग्रह समेत गर्नुभएको छ ।
रफत सञ्चार क्लबले आज भक्तपूरमा आयोजना गरेको अन्तक्र्रिया कार्यक्रममा बोल्दै उहाँले पहिला स्थानीय निकायको निर्वाचन गरेर सरकारले २०७४ माघ ७ भित्र प्रदेश हुँदै प्रतिनिधिसभा समेतको तीन तहको निर्वाचन गर्न नसके संविधान पूर्णरुपमा असफल हुने बताउनु भयो ।
काँग्रेस स्थानीय निकायको निर्वाचन गरेर मात्र संविधान संशोधन गर्नुपर्छ भन्ने पक्षमा रहेको प्रष्ट्याउँदै उहाँले काँग्रेस हिमाल, पहाड र तराईलाई छुट्याएर सङ्घीय प्रदेश बनाउनुपर्छ भन्ने पक्षमा आफ्नो पार्टी नरहेको धारणा राख्नुभयो ।
उहाँले पाँच नम्बर प्रदेशलाई पहाडबाट विभाजन गर्दा सामाजिक एकता तथा सद्भावना खल्बलिने भएकाले काँग्रेस पहाडलाई विभाजन गरेर संघिय प्रदेश बनाउनु हुन्न भन्ने पक्षमा रहेको स्पष्ट गर्नुभयो ।
विश्वमै सबैभन्दा बढी बहुमतले बनाएको संविधानलाई अल्पमतले भन्दैमा संशोधन संशोधन गर्न नसकिने बताउँदै उहाँले मधेसी मोर्चालाई निर्वाचनमा गएर दुईतिहाई बहुमत पु¥याई संविधान संशोधन गर्न सुझाव दिनुभयो ।
