काठमाडौ २३ माघ ।
नेपाली काँग्रेसका नेता प्रकाशमान सिंहले सरकार निर्वाचन गर्न आलटाल गरिरहेको आरोप लगाउनु भएको छ । निर्वाचन गर्ने प्रतिवद्धताका साथ सरकार गठन भएको भएपनि अहिले सरकार निर्वाचनको मिति घोषणा गर्न आलटाल गरिरहेको उहाँले बताउनु भयो ।
नेपाली काँग्रेस काठमाडौँ महानगरपालिका– ५ ले आयोजना गरेको सात दिने नेतृत्व विकास तालिमका सहभागीलाई आज प्रमाणपत्र वितरण गर्दै उहाँले सरकार चुनाव नगर्ने बहाना खोजिरहेको हो की भन्ने आशङ्का बढेको बताउनु भयो ।
सरकार विभिन्न बहाना देखाएर निर्वाचनबाट पछाडी हटे त्यो काँग्रेसलाई मान्य नहुने उहाँको भनाई छ । संक्रमणकालीन व्यवस्थाअनुसार राष्ट्रपति, प्रधानमन्त्री, सभामुख चयन भएजस्तै यही व्यवस्थालाई आधार मानेर भएपनि स्थानीय तहको निर्वाचन गर्नुपर्नेमा नेता सिंहको जोड थियो ।
उहााले नेपाली जनताको लामो समयदेखिको त्याग र तपस्याबाट संविधान निर्माण भएकाले यसको प्रभावकारी कार्यान्वयनका लागि तत्काल निर्वाचन गरी मुलुकलाई आर्थिक विकासतर्फ डो¥याउनुपर्ने धारणा राख्नुभयो ।
नेता सिंहले ढिलोचाँडो निर्वाचन हुने भन्दै निर्वाचनमा जुट्न कार्यकर्तालाई निर्देशन समेत दिनुभएको छ ।
