काठमान्डौ माघ २३।
बाराको सिमरामा जारी आठौ रुस्लान सिमरा गोल्डकप प्रतियोगितामा आज साविक विजेता प्राइम पोलिक्लिनीक विजय युथ क्लबले सरस्वती युथ क्लबको सामना गर्दै छ ।
यी दुइ टोली विचको खेल सिमरा रंगशालामा अपरान्ह पौने तीन बजेबाट सुरु हुने छ । यस अघि हिजो भएको खेलमा विरगन्ज युनाइटेड क्लब प्रतियोगिताको क्वाटरफाइनलमा प्रवेश गरेको छ ।
बीरगन्ज युनाइटेडले सहारा क्लब पोखरालाई १–०को गोल अन्तरले पराजित गर्दै प्रतियोगिताको अन्तिम आठमा स्थान बनाएको हो । वीरगन्जका लागि विकाश राईले गरेको गोल नै निर्णायक बन्यो ।
प्रतियोगितामा ए डिभिजनका पांच र मोफसलका पाँच गरी १० टिमले सहभागीता जनाएको छन् । प्रतियोगिता आगमी माघ २९ गते सम्म सञ्चालन हुने छ ।
प्रतियोगिताको बिजेताले पाँच लाख ५१ हजार रुपैयाँ प्राप्त गर्नेछ भने उपबिजेताले भने दुई लाख ५१ हजारमा रुपैयाँ प्राप्त गर्ने छ ।
