माघ २२,काठमाण्डौं ।
नेकपा माओवादीका महासचिव नेत्र विक्रम चन्द विप्लवले पार्टी कार्यकर्ताहरुलाई जंगलतिर नसोच्न आग्रह गर्दे काठमाण्डौं र ७५ जिल्लाका शहरहरुमा लडाई हुने बताउनु भएको छ ।
जनगणतान्त्रिक सम्पर्क मञ्च समन्वयन समितिको दोस्रो राष्ट्रिय भेलाको पुरानो वानेश्वर काठमाण्डौंमा उद्घाटन गर्दै उहाले जनतालाई क्रान्तिबाट अलग्याउन चाहने तत्वहरुले माओवादीलाई जंगल जान्छ भनेर भ्रम फैलाएको भन्दै जनता, राष्ट्रिय उद्योगी व्यवशायी, देशभक्त र प्रगतिशिल शक्तिको नेतृत्व गर्दै पार्टीले क्रान्ति ७५ जिल्लामा एकसाथ गर्ने बताउनु भयो ।
भारतले नेपालको हातखुट्टा बाध्दै घेरा हाल्दै आएको भन्दै अंगीकृत नागरिकता दिलाउन दवाव दिनुको कारण पनि नेपालको सत्तामा आफ्नो प्रभाव जमाउने उदेश्य रहेको विप्लवले बताउनु भयो ।
उहाले नेपालको नदीनाला , प्राकृतिक स्रोतमा कब्जा गर्न नेपालका राजनीतिक दलालहरुलाई प्रयोग गरीरहेको भन्दै दलाल सत्ताको अन्त्य नभए सम्म राष्ट्रिय स्वाधीनता प्राप्त नहुने बताउनु भयो ।
आफूहरुको क्रान्तिमा अन्ततः नेपाली सेना र प्रहरीले पनि साथ दिने दावी गर्दै विप्लवले देश बचाउने र बनाउने बेला हामी सगैं भएर लड्ने छौ भन्नु भयो ।
भिडियो हेर्नुहोस् ।
