काठमान्डौ, माघ २२।
दोश्रो रमपम झापा गोल्डकपको दोस्रो तथा अन्तिम सेमिफाईनलमा आज लक्ष्मि हुन्डाई मनाङ मस्र्यादी र विभागिय टिम आर्मिबीच प्रतिस्पर्धा हुदैछ ।
यी दुई टोलीबीचको खेल विर्तामोडको डोमालाल रंगशालामा दिउसो साढे दुई बजेपछि सुरु हुनेछ ।
मनाङले न्युरोड टिम एनआरटिलाई पराजित गरि सेमिफाईनल यात्रा तय गरेको थियो भने आर्मीले रुपन्देहि ११ लाई पाखा लगाउर्दै मनाङसँगको भेट पक्का गरेको हो ।
सुदुरपश्चिमको खप्तड गोल्डकप र पोखराको आहा रारा गोल्डकप जितेको मनाङ आज उच्च मनोबलका साथ मैदान उत्रदैछ ।
यसै सिजनको हेडौड गोल्डकपमा मनाङलाई हराउदै उपाधि चुमेको आर्मीले पनि आजको खेल जितेर उपाधि नजिक पुग्ने लक्ष राखेको छ ।
आज मनाङलाई भने हेटौडा कपमा भोगेको पराजयको बदला लिने मौका समेत रहेको छ ।
आजको विजेताले उपाधिका लागि आयोजक झापा ११ सँग प्रतिस्पर्धा गर्नेछ । झापा हिमालयन शेर्पा क्लबलाई ४–० गोल अन्तरले हराएर फाइनलमा पुगिसकेको छ ।
उपाधिका लागी आजको विजेता टिमले आगामी माघ २४ गते झापा ११ सँग प्रतिस्पर्धा गर्ने छ ।
मोफसलकै सर्वाधिक पुरस्कार राशीको फुटबल प्रतियोगिताको विजेताले ७ लाख र उपविजेताले साढे ३ लाख रुपैयाँ पुरस्कार पाउने छन् ।
