काठमाडौ २१ माघ ।
मधेसी जनअधिकार फोरम लोकतान्त्रिकका अध्यक्ष विजयकुमार गच्छदारले आफू मधेस विरोधी नभएको दाबी गर्नुभएको छ । यद्यपी गच्छादारले आफ्नो लागि मधेस भन्दा ठूलो देश भएको टिप्पणी गर्नुभयो । ।
सप्तरी सदरमुकाम राजविराजमा आज फोरम लोकतान्त्रिकले आयोजना गरेको अगुवा कार्यकर्ता भेलालाई सम्बोधन गर्दे उहााले आफू कुनै मधेस केन्द्रित नेताभन्दा कम मधेसवादी र कुनै पहाडी भन्दा कम राष्ट्रवादी नभएको दावी गर्नुभयो ।
गच्छदारले तीन ठूला दलको नेतृत्व असफल भइसकेको जिकिर गर्दै उनीहरुले सत्ता छाड्नुपर्ने जिकिर गर्नुभयो । परिमार्जनसहित संविधान संशोधन गर्न आफूले मध्यमार्गी भूमिका निर्वाह गरिहेको बताउँदै उहाले ८ प्रदेश बनाएर सीमांकन समस्या समाधान गर्नुपर्ने धारणा राख्नुभयो ।
२००७ सालको क्रान्तीदेखी हाल सम्म कांग्रेस, एमाले र माओवादीले देशको नेतृत्व गरेको बताउदै उहाँले तिन ठुला दलको नेतृत्व असफल भईसकेको टिप्पणी गर्नुभयो ।
मधेस आन्दोलनलाई पुर्नजीवन दिने काम आफैले गरेको दावी गर्दै गच्छादारले मधेसको मागलाई लिएर आफूले ४० दिनसम्म संसद अवरुद्ध गरेकाले आफूलाई मधेस विरोधी नठान्न आग्रह समेत गर्नुभयो ।
