काठमाडौ २० माघ ।
ब्यवस्थापिका संसदको आजको बैठकबाट निर्वाचन सम्बन्धी थप एउटा विधेयक पारित भएको छ । यो संगै निर्वाचनसंग सम्बन्धित ४ वटै बिधेयक संसदबाट पारित भएका छन ।
राज्यब्यवस्था समितिले हिजोको बैठकमा पेश गरेको निर्वाचन सम्बन्धी विधेयक आज सामन्य छलफल पछि बहुमतले पारित गरेको हो । विधेयक पािरत भएसँगै सरकारलाइ स्थानीय तह निर्वाचन गर्ने बाटो खुलेको छ ।
निर्वाचन सम्बन्धी मस्यौदा भएका मध्ये थप एक बिधेयक समितिमा छलफलको क्रममा छ । राजनीतिक दलसम्बन्धी विधेयकबारे भने सहमति जुट्न बाँकी छ ।
राज्यब्यवस्था समितिमा छलफल भएपनि थ्रेसहोल्ड राख्ने कि नराख्ने भन्ने विषयमा दलहरुबीच सहमति जुट्न नसकेपछि उक्त विधेयक अघि बढ्न सकेको छैन ।
निर्वाचन कसुर तथा सजाय, मतदाता नामावली र निर्वाचन आयोगको काम, कर्तब्य तथा अधिकार सम्बन्धी विधेयक भने संसदले यसअघि नै पारित गरिसकेको छ ।
