काठमान्डौ माघ १९ ।
नेकपा एमालेले राष्ट्रिय राजनीतिको विकसित घटनाक्रमका बिषयमा छलफल गर्न आगामी माघ २४ र २५ गते पोलिटब्युरो बैठक बोलाएको छ ।
सरकारले मधेसी मोर्चाको माग संबोधनका लागि भन्दै संसद सचिवालयमा दर्ता गरेको संशोधन प्रस्ताव राष्ट्रघाती भएको दावी गर्दै आएको एमालेले संशोधनको थप छलफलका लागि दुई दिने पोलिटब्युरो बैठक बोलाएको हो ।
आजै मेची महाकाली राष्ट्रिय अभियान सुरु गर्न लागेको एमालेले अभियानका थप कार्यक्रम पनि सार्वजनीक गर्दैछ ।
अभियानमा सिङ्गो पार्टी परिचालन गर्ने बिषयमा समेत बैठकमा छलफल गर्ने बताएको छ ।
यसै गरी आगामी फागुन २१ गते झापामा पार्टी अध्यक्ष केपी ओलीले उद्घाटन गर्ने अभियान राजमार्ग केन्द्रित हुदै आगामी चैत ५ गते कन्चनपुरमा पुगेर समापन हुने एमालेले जनाएको छ ।
सातै प्रदेशलाई केन्द्रित गरेर अभियानमा सिङ्गो पार्टी परिचालन गर्ने योजना एमालेको रहेको छ । तराई मधेशमा आफ्नो उपस्थिती बलियो देखाउने रणनीति स्वरुप सुरु गर्न लागिएको अभियानलाई पार्टीका शीर्ष तहका नेताले सम्बोधन कार्यक्रम तय गरिएको छ ।
