काठमान्डौ माघ १९।
झापाको विर्तामोडमा जारी दोस्रो झापा गोल्डकप फुटबल प्रतियोगितामा आज आयोजक झापा ११ ले सुदुरपश्चिम फुटबल क्लब को सामना गर्दै छ ।
प्रतियोगितामा जित आफ्नो पक्षमा पार्ने दाउका साथ मैदान उत्रने यी दुइ टोली विचको खेल डोमालाल राजवंशी रंगशालामा दिउसो हुनेछ ।
यस अघि हिजो भएको खेलमा विभागीय टोली नेपाल आर्मी प्रतियोगिताको सेमिफाइनलमा प्रवेश गरेको छ । नेपाल आर्मीले रुपन्देही ११ लाई २–० गोल अन्तरले पराजित गरेको हो । आर्मीका लागि नवयुग श्रेष्ठ र भरत खवासले एक एक गोल गरेका हुन् ।
प्रतियोगितामा सुदूरपश्चिम, रुपन्देही ११, मनाङ मर्स्याङ्दी, नेपाल पुलिस क्लब, एपिएफ क्लब, त्रिभुवन आर्मी क्लब, एनआरटी र हिमालयन शेर्पा गरि १० टिमले सहभागीता जनाएका छन् ।
मोफसलकै सर्वाधिक पुरस्कार राशीको फुटबल प्रतियोगिता आगामी माघ २४ गते सम्म सञ्चालन हुने छ । प्रतियोगिताको विजेताले ७ लाख र उपविजेताले साढे ३ लाख रुपैयाँ पुरस्कार पाउने छन् ।
