काठमाडौ १८ माघ ।
संयुक्त लोकतान्त्रिक मधेशी मोर्चाका अध्यक्ष राजेन्द्र महतोले संसदमा पेश भएको संविधान संशोधन प्रस्ताव पारित नभइकन चुनावको मिति घोषणा गरे सरकारसँगको सम्बन्ध बिच्छेद गर्ने चेतावनी दिनुभएको छ ।
रिपोर्टर्स क्लब नेपालले आज आयोजना गरेको साक्षात्कारमा बोल्दै उहाँले सरकार गठनका बेला मोर्चासँग भएको सहमति कार्यन्वयन नभए सरकारलाई दिएको समर्थन फिर्ता लिएर आन्दोलनमा जाने बताउनु भयो ।
विभेदकारी संविधान संशोधन नभईकन स्थानीय निकाय निर्वाचनको मिति घोषणा गरे आफूहरुलाई स्वीकार्य नहुने महत्तोको भनाई छ । महतोले जनताका मागहरु पूरा नगरीकन जबरजस्ती चुनाव गर्न खोजिए त्यो कदापि हुन नदिने धारणा राख्नुभयो ।
संविधान संशोधन मार्फत जनताका अधिकार स्थापित गर्ने कुरामा एमालेले धेरै बेईमानी गरिरहेको आरोप लगाउँदै महतोले त्यसैको तयारी स्वरुम अहिले एमालेमुक्त मधेश बनाउने कुरा भैरहेको बताउनु भयो ।
