काठमाडौं, माघ १७।
व्यवस्थापिका संसदको बैठक आज बस्दैछ । बैठक नयाँ बानेश्वस्थित संसद भवनमा दिउँसो १ बजेका लागि बोलाइएको छ ।
आजको बैठकमा निर्वाचन कसुर तथा सजाय सम्बन्धि विधेयक पारित गर्ने तयारी भएको संसद सचिवालयले जनाएको छ ।
बैठकमा राज्य ब्यवस्था समितिको प्रतिवेदन सहितको निर्वाचन कसुर तथा सजाय विधेयक २०७३ माथि छलफल गरी पारित गर्ने तयारी रहेको संसदको सचिवालयका सह प्रवक्ता सुदर्शन कुइकेलले जानकारी दिनु भयो ।
यस्तै आजकै बैठकमा वातावरण संरक्षण समितिको प्रतिवेदन सहितको राष्ट्रिय निकुञ्ज तथा वन्यजन्तु संरक्षण सम्बन्धि पाँचौं संशोधन विधेयकपनि पारित गर्ने तयारी रहेको बताइएको छ ।
त्यसअघि यो विधेयकमाथि सांसदहरुले आ–आफ्नो धारणा राख्नेछन् । बैठकमा भाषा आयोग विधेयक पेश हुने कार्यसूचि रहेको संसद सचिवालयले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
