काठमाडौं, माघ १५।
नेपाली कांग्रेसका नेता प्रकाशमान सिंहले प्राप्त उपलब्धी रक्षाका लागि सम्पूर्ण राजनीतिक दलहरु एक जुट हुनु पर्ने बताउनु भएको छ ।
नेपाली कांग्रेस नागार्जुन नगरसमितिले आज गरेको प्रशिक्षण कायक्रममा बोल्दै उहाँले वर्तमान परिवेशमा प्रमुख राजनीतिक शक्तिहरु एकआपसमा झगडा गरेर बसेकाले प्राप्त उपलब्धी पनि गुम्ने खतरा रहेको उल्लेख गर्नु भयो ।
नेता सिंहले राजनीतिक परिवर्तन तथा संविधान कार्यान्वयनका लागि राजनीतिक दल मिल्नुको साटो एक आपसमा आरोप प्रत्यारोप लगाउदै बसेकाले वर्षौंको आन्दोलनबाट प्राप्त उपलब्धी पनि गुम्न सक्ने खतरा रहेको औल्याउनु भएको हो ।
उहाँले ठूलो सानो नभनी सबै शक्ति मिलेर अघि बढ्नुपर्ने र प्राप्त उपलब्धिको रक्षा गर्नुपर्नेमा जोड दिनुभयो । अब सबै चुनावको तयारीमा लाग्नुपर्ने र संविधान संशोधन गरेर संविधान सबैलाई सर्वस्वीकार्य बनाउनुपर्ने नेता सिंहको भनाई थियो
