पोखरा, १४ माघ ।
महिला, बालबालिका तथा समाजकल्याण मन्त्री कुमार खड्काले महिला सशक्तिकरण कार्यलाई राज्यले विशेष प्राथमिकतामा राखेको बताउनु भएको छ ।
पोखरा– १६ बाटुलेचौरस्थित हिमालय क्लबद्वारा उहाँको सम्मानमा आज आयोजित कार्यक्रममा बोल्दै खड्काले मुलुकको समग्र विकासका लागि महिला सशक्तिकरणमा विशेष जोड दिनुपर्ने बताउनुभयो ।
सबै प्रकारका महिला हिंसा राज्यलाई स्वीकार नहुने भन्दै मन्त्री खड्काले यसका विरुद्ध राज्य सशक्त भएर उभिने बताउनु भयो । हिंसामा परेका महिला, सडक बालबालिका र वृद्धवृद्धाको संरक्षणको दायित्व सरकारले लिन उहाँको धारणा छ ।
स्थानीय तहको निर्वाचन जतिसक्दो छिटो गराउन सरकार प्रतिवद्ध रहेको भन्दै उहाले यस सम्बन्धी विधेयक पास गराउन फास्ट ट्र्याकबाट अघि बढेकाले अव निर्वाचन हुँदैन भन्ने शङ्का नगर्न आग्रह गर्नुभयो ।
यस्तै राष्ट्रिय परोपकार महासङ्घका अध्यक्ष पण्डित कमलनयन गौतमले समाज, राष्ट्र र जनताको हितका लागि असल नियतका साथ काम गरेमा त्यस्ता व्यक्तिलाई समाजले सधँै सम्मान गरिरहने बताउनुभयो ।
समारोहमा बाटुलेचौरका ४७ भन्दा बढी सङ्घ संस्थाले मन्त्री खड्कालाई अभिनन्दन गरेका थिए ।
