दाङ, माघ १३ ।
नेपाली कंग्रेसका सभापति शेरबहादुर देउवाले एक साताभित्रै पार्टीका रिक्त रहेको पदाधिकारी मनोनयन गर्ने बताउनुभएको छ ।
दाङको तुलसीपुरमा आज भएको पत्रकार सम्मेलनमा बोल्दै सभापति देउवाले एक हप्ता भित्रै पार्टी पदाधिकारी र विभाग गठन गरिसक्ने बताउनुभएको हो ।
नेता खुम बहादुर खड्का पक्षधरको चर्को दबाबपछि रिक्त पदाधिकारी चयन गर्ने निश्कर्षमा पुग्नुभएक देउवाले पार्टीमा सबैलाई मिलाएर पदाधिकारी र विभाग गठन गर्ने सभावति पनि बताउनु भयो ।
खड्का पक्षधरले दाङको चखौरामा हिजो आयोजित माघी महोत्सवमा नाराबाजी गरेको थियो । उहाँले खड्कालाई पदाधिकारी बनाउने नबनाउनेबारे पार्टी्भित्र छलफल चलिरहेको बताउनुभयो ।
अर्को प्रसंगमा सभापति देउवाले आउँदो वर्षको माघसम्ममा तीन तहको चुनाव गरिसक्नु पर्ने भएकाले सहमतिको प्रयास भइरहेको बताउनुभयो ।
केही दिनभित्रै दलहरुबिच सहमति भएर चुनावको वातावरण बन्नेमा आफू आशावादी रहेको भन्दै उहाँले २०७४ माघ ७ गतेभित्र निर्वाचन हुदैनकी भन्ने आशंका नगर्न आग्रह गर्नुभयो ।
