काठमाडौँ, ११ माघ । प्रधानमन्त्री पुष्पकमल दाहाल ‘प्रचण्ड’ले सरकार प्राप्त उपलब्धि संस्थागत गर्दै संविधान कार्यान्वयनको चरणमा रहेको बताउनु भएको छ ।
प्रधानमन्त्री निवासमा आज बिहान मरिससका पूर्वराष्ट्रपति कासाम उत्तिमबीच भएको भेटवार्ताका क्रममा प्रधानमन्त्री दाहालले सहमतीकै आधारमा तीन तहकै निर्वाचन गरी संबिधान कार्यान्वयन गर्ने बताउनु भयो ।
नेपालको शान्ति प्रक्रियाको अनुभव विश्वकै लागि उदाहरणीय रहेको भन्दै उहाँले शान्ति प्रक्रियामा अन्तर्रा्ष्ट्रिय समुदायले देखाएको सद्भावप्रति आभार व्यक्त गर्नुभयो ।
भेटमा पूर्वराष्ट्रपति कासामले नेपालको शान्ति प्रक्रिया मौलिक ढङ्गले पूरा भएको तथा नयाँ राजनीतिक प्रक्रियामा नेपाल सहभागी भएकामा सराहना गर्नुभएको प्रधानमन्त्रीको निजी सचिवालयले जनाएको छ ।
उहाँले नेपालको शान्ति प्रक्रियाको अनुभव विश्वकै लागि उदाहरणीय भएकाले त्यो अनुभव अन्तर्रा्ष्ट्रिय रुपमै आदानप्रदान गर्न आफूहरु इच्छुक रहेको पनि बताउनुभयो ।
