काठमाडौ ११ माघ ।
सत्तारुढ दल कांग्रेस माओवादी र मधेशी मोर्चाको संयुक्र बैठक आज बस्दैछ । सरकारले छिट्टै स्थानीय तहको निर्वाचन घोषणा गर्ने जनाएपछि सशांकित बनेको मोचाले सरकारसँग छलफल गर्न लागेका हुन् ।
बालुवाटारस्थित प्रधानमन्त्रीको सरकारी निवासमा अपरान्न ४ बजेपछि बस्ने बैठकमा सत्तारुढ नेपाली कांग्रेस र नेकपा माओवादी केन्द्रलाई संविधान संशोधन नगरी चुनाव घोषणा नगर्न दबाव दिने मोर्चाको तयारी छ ।
मधेसी मोर्चाका नेताहरुले छिट्टै स्थानीय निकाय निर्वाचनको मिति घोषणा गर्ने तीन दलको सहमतिबारे प्रधानमन्त्रीको आधिकारिक धारणा माग्ने तयारी गरेका छन् ।
स्थानीय तह पुनर्संरचना आयोगको प्रतिवेदनमा आपत्ति जनाउदै मधेसी मोर्चाले संसदमा दर्ता भएको संविधान संशोधन विधेयक पास नभएसम्म चुनावमा नजाने बताएका छन् ।
प्रधानमन्त्रीले भने राष्ट्रिय सभाको निर्वाचक मण्डलबाट गाउँपालिका र नगरपालिकाका प्रमुख उपप्रमुखको भोटिङ राइट हटाएर स्थानीय चुनावमा जाने प्रस्ताव गरेका छन् ।
यसका लागि पनि संविधान संशोधन हुन जरुरी छ । एमालेले यसबारे धारणा सार्वजनिक गरेको छैन । आजको बैठकमा संसदमा दर्ता भएको संविधान संशोधन विधेयक लगायतका विषयमा पनि छलफल हुने नेताहरुले बताएका छन् ।
