काठमाण्डौ ,८ माघ ।
राष्ट्रपति बिद्यादेवी भण्डारी र प्रधानमन्त्री पुष्पकमल दाहालबीच आज भेटवार्ता हुदैछ ।
शितलनिवासमा आज बिहान १० बजे हुने भेटमा वर्तमान राजनितिक अवस्था , संबिधान कार्यान्यन प्रक्रियामा भईरहेको प्रक्रिया लगायतका बिषयमा छलफल हुन लागेको हो ।
नियमित भनिएपनि मुलुकमा जारी राजनैतिक गतिरोध अन्त्यको बिषयमा राष्ट्र प्रमुख र सरकार प्रमुखबीच छलफल हुन लागेको प्रधानमन्त्रीको सचिवालयले जनाएको छ ।
राष्ट्रपति भण्डारीले निर्वाचनको समय घर्कीदै गएकोले तत्काल चुनावको मिति घोषणा गरेर राजनितिक गतिरोध अन्त्य गर्न प्रधानमन्त्री दाहाल सहित प्रमुख दलका शिर्षै नेताहरुलाई बारम्बार आग्रह गरेपनि निचोड भने निस्कन सकेको छैन ।
आजको भेटमा प्रधानमन्त्री दाहालले सरकारले सहमतीका लागी जारी राखेको प्रयासबारे राष्ट्रपतिलाई जानकारी गराउनु हुनेछ ।
सरकारले संबिधान संसोधन बिधेयक संसदमा टेबल गर्दै निर्वाचन सँग सम्बन्धित दुई बिधेयक अघि बढाएपनि दलहरुबीच सहमती नहुदा राजनितिक गतिरोधले निकास पाउन सकेको छैन ।
सबै दलको आ आफ्नै अडानका कारण सहमती हुन नसकेको हो ।
