काठमाडौं, ५ माघ ।
संसदमा पेश भएको संविधान संशोधन प्रस्ताव कुनैपनि हालतमा पारित गराउने रणनितिमा रहेको सरकारले मन्त्री परिषद विस्तारको तयारी गरेको छ ।
प्रधानमन्त्री पुष्पकमल दाहालले भोली अखण्ड नेपाल पार्टीका कुमार खड्का र समाजवादी जनता पार्टीका प्रेमबहादुर सिंहलाई मन्त्री बनाउने तयारी गर्नुभएको बालुवाटार स्रोतले जनाएको छ । खड्का र सिंहको सपथग्रहण भोली नै जनाइएको छ ।
खड्का महिला बालबालिका तथा समाज कल्याण मन्त्री र सिंहले खानेपानी तथा सरसफाई मन्त्रालयको जिम्मेवारी सम्हाल्नु हुनेछ । सिंह केपी ओली नेतृत्वको सरकारमा पनि खानेपानी तथा सरसफाई मन्त्री हुनुहुन्थ्यो भने खड्का पहिलो पल्ट मन्त्री हुन लाग्नु भएको हो ।
संविधान संशोधन प्रस्ताव पारित गराउनका लागि दुई तिहाई बहुमत जुटाउन प्रधानमन्त्री दमहमलले मन्त्रीपरिषद विस्तारको तयारी गर्नुभएको हो । यस्तै संसदको चौथो ठूलो दल राप्रपाबाट अध्यक्ष थापासहित थप ३ मन्त्री नियुक्त गर्ने प्रधानमन्त्रीको तयारी छ ।
अहिले नै सरकारमा २ मन्त्री भएको राप्रपाले सरकारले संसदमा दर्ता गरेको संविधान संशोधन प्रस्तावको भने समर्थन गरिसकेको छैन् । यस्तै मधेसी जनअधिकार फोरम लोकतान्त्रिकलाई पनि सरकारमा ल्याउने बारेमा सरकारले छलफल अघि बढाएको जनाइएको छ ।
