काठमाडौ ४ माघ ।
मधेशी मोर्चा आवद्ध दल मधेसी जनाधिकार फोरम लोकतान्त्रिकका अध्यक्ष विजयकुमार गच्छदारले परिर्माजनसहित संविधान संशोधन नभएसम्म निर्वाचन सम्भव नरहेको बताउनु भएको छ ।
जनताको माग र अधिकार सुनिश्चित नभएसम्म निर्वाचन नहुने र त्यसका लागि संविधान परिमार्जनसहित संशोधन गर्नुपर्ने आवश्यकता रहेको उल्लेख गर्नुभयो ।
मधेसी जनाधिकार फोरम क्षेत्रीय समिति क्षेत्र नम्बर ४ सुनसरीले आज सुनसरीको मध्यहर्षाही गाविसमा आयोजना गरेको अगुवा कार्यकर्ता भेलालाई सम्बोधन गर्दै उहाँले पहिला संशोधन र त्यसपछि निर्वाचन गर्नुपर्नेमा जोड दिनु भयो ।
संविधान संशोधन र निर्वाचन नभएसम्म मुलुकमा अस्थिरता कायम रहने गच्छादारको भनाई थियो । उहाँले वर्तमान सरकारमा फोरम लोकतान्त्रिक जाने कुरा हल्ला मात्रै भएको बताउनु भयो । उहाँले संविधान संशोधन गरी सात प्रदेशबाट आठाँै प्रदेश बनाउनुपर्ने तर्क गर्नुभयो ।
गच्छदारले संविधानमा सबैको अपनत्व नभएसम्म कार्यान्वयन चुनौतिपूर्ण रहेको बताउनुहँुदै संविधान कार्यान्वनका लागि सबै आदिवासी जनजाति, मधेसी मुस्लिमको माग सम्बोधन गर्न समेत आवश्यक रहेको उल्लेख गर्नुभयो ।
